Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Një parashutist profesionist ka rënë drejt vdekjes kur parashuta e tij nuk u hap në fund të kërcimit të tij në një kompeticion të sportit ekstrem.
30-vjeçari Dimitri Didenko, po merrte pjesë në kampionatin australian të hedhjes me “Kostum me krahë” në perëndim të Australisë, në veri të qytetit të Perth, kur parashuta e tij nuk u hap për zbritjen pas fluturimit.
Didenko, me origjinë nga Rusia por rezident në Itali, po konkurronte në kërcimet ‘solo’ me ‘kostum me krahë’, që është një nga format më elitare të parashutizmit.
Parashutisti me eksperience kishte kryer rreth 6,000 kërcime të ngjashme para aksidentit fatal.
Lëshimi me kostum me krahë përfshin hedhjen nga një avion ose mal i lartë për të fluturuar në njëfarë periudhe dhe më pas hapjen e parashutës kur bie në lartësi të vogla për rënien në tokë.
Gjiri Jurien në Perth është një nga pikat më të preferuara për lëshime parashutistësh në Australi por dhe në raste të tjera amatorë të sportit kanë pësuar aksidente fatale.
Top Channel
