Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Sot Papa Françesku pranoi përgjigjen e dhënë nga zyra e politikave
Kisha katolike nuk ka fuqinë për të dhënë bekimin në ceremonitë e martesave të të njëjtit seks, ka thënë sot zyra e Vatikanit përgjegjëse për doktrinën fetare.
Zyra e njohur si “Kongregacini i Doktrinës së Besimit” ka thënë se është e pamundur që Zoti të bekojë mëkatin, edhe pse ofroi disa komente për “elemente pozitive” në martesat e të njëjtit seks.
Në tetor Papa Françesku kishte thënë se besonte se çiftet e të njëjtit seks duhet të lejohen të ketë “bashkime civile të njohura”.
Sipas traditës së Kishës Katolike, bekimi i një martese jepet nga prifti ose përfaqësues të tjerë të saj, në emër të Kishës.
Sot Papa Françesku pranoi përgjigjen e dhënë nga zyra e politikave, duke thënë se kjo “nuk ka si qëllim të jetë një formë diskriminimi, por një kujtesë për të vërtetën e riteve liturgjike”.
Disa konstitucione katolike, duke përfshirë dhe ato në Gjermani e SHBA, kishin nisur të jepnin bekimet e tyre për çifte të të njëjtit seks, si një mënyrë për të afruar homoseksualët të katolicizmi, raporton agjencia Reuters.
Dhe përgjigja e sotme zyrtare ishte në fakt ndaj pyetjes së ngritur nga gazetarët: “A ka fuqinë Kisha Katolike të japë bekimin për unionet e personave të të njëjtit seks”, e cila mori përgjigjen konçize: “Negative”.
Zyra theksoi se martesa mes burrit dhe gruas është bashkimi i shenjtë dhe si rrjedhim kjo nuk mund të jepet edhe për bashkimet e të njëjtit seks.
Top Channel
