Shpërthim i fortë në Guniea, fermerët i vënë zjarrin bazës ushtarake, 17 vitkima dhe mbi 400 të plagosur

09/03/2021 03:03

Të paktën 17 njerëz janë vrarë dhe më shumë se 400 janë plagosur në një seri shpërthimesh në një bazë ushtarake në Guinean Ekuatoriale. Sipas BBC, shpërthimet e së dielës në qytetin kryesor, Bata, u shkaktuan nga djegia e kallamishteve nga fermerët dhe neglizhenca në ruajtjen e dinamitit në bazë.

Pothuajse të gjitha ndërtesat dhe shtëpitë në qytet pësuan “dëme të mëdha”, tha Presidenti Teodoro Obiang Nguema. Pamjet e publikuara tregojnë njerëz që kërkojnë për të mbijetuar në rrënoja, ndërsa ekziston frika se numri i viktimave mund të rritet për shkak se ka ende shumë persona që kanë mbetur nën gërmadha.

Në një deklaratë, Presidenti Obiang Nguema tha se shpërthimet ishin shkaktuar “nga neglizhenca e një njësie të ngarkuar me kujdesin dhe mbrojtjen e vendeve ku ruhej dinamiti dhe eksplozivët” në bazën ushtarake Nkoantoma. Ai tha se baza “mori flakë për shkak të fermerëve fqinjë që pastronin tokën bujqësore duke e djegur atë”. Presidenti bëri thirrje për ndihmë ndërkombëtare.

Ministria e shëndetësisë tha se 420 persona të plagosur po trajtoheshin në spitale dhe bëri thirrje për punëtorë vullnetarë shëndetësorë që të shkojnë në Spitalin Rajonal Bata.

Top Channel