U gjenden arsenal armësh, nga mitralozi tek granata-hedhësi, pas djalit arrestohet edhe i ati

25/02/2021 12:26

Pas arrestimit të shtetasit M. T., 37, ditën e djeshme, policia ka vënë nën pranga edhe të atin, shtetasin J. T., pasi të dy akuzohen për armësh zjarri dhe municion luftarak.

Shërbimet e Policisë , gjatë kontrollit të ushtruar në banesën e J. T., në fshatin Dhrovjan, gjetën dhe sekuestruan në cilësinë e provës material 10 armë zjarri dhe municion luftarak, konkretisht:

1 mitraloz të lehtë, 2 kallashnikovë, 3 armë zjarri pushkë dhe 4 armë gjahu, 1 granat-hedhës dhe 220 fishekë luftarakë.

Njoftimi i policisë/ Sarandë

Vijon puna për kapjen e personave të shpallur në kërkim kombëtar.

Kapet dhe ndalohet shtetasi i shpallur në kërkim në kuadër të operacionit “Dhrovjani”.

Specialistët për Hetimin e Krimeve në Komisariatin e Policisë Sarandë, në vijim të operacionit “Dhrovjani” të finalizuar ditën e djeshme, si rezultat i të cilit u arrestua në flagrancë shtetasi M. T., kanë bërë të mundur kapjen dhe ndalimin e të atit të tij të shpallur në kërkim, shtetasi J. T., pronari i banesës në fshatin Dhrovjan, Finiq, ku u gjetën dhe u sekuestruan 10 armë zjarri dhe municion luftarak.

Top Channel