Nuk ndryshojnë masat anti-Covid për shkak të zgjedhjeve? Përgjigjet Rakacolli
25/02/2021 11:44
Amnistia Penale, lirohet nga burgu i Reçit edhe ish-kryebashkiaku i Lezhës 24/04 13:20
Kryetarja e Komitetit Teknik të Ekspertëve, Mira Rakacolli e pyetur nga gazetarët lidhur me masat anticovid dhe afrimi i zgjedhjeve të 25 Prillit është shprehur se vendimet merren duke pasur parasysh situatën epidemiologjike dhe jo fushatën zgjedhore.
“Absolutisht nuk lidhen me zgjedhjet. Kjo sëmundje ishte ngjarje e re për të gjithë botën. Të gjithë nisemi nga shkenca epidemiologjike, nga indikatorë të ndryshëm. Masat që janë arsyetuar se mund të jenë ndalës dhe frenues janë të ndryshme në vend të ndryshme. Shqipëria me shifrat që ka pasur mendojmë që deri tani masat kanë qenë të arsyeshme pasi janë marrë për të ruajtur shëndetin e njerëzve dhe nuk lidhen absolutisht me asnjë lloj situatë të caktuar politike”, tha Rakacolli.
Më tej, Komiteti Teknik i Ekspertëve është shprehur se masat e vendosura për përhapjen e koronavirusit do të vijojnë të mbeten në fuqi.
Top Channel
