Drejtonte kartelet që kërcënuan princeshën e Holandës, Spanja liron “aksidentalisht” bosin e drogës 23/04 22:54
Episodet disa-ditore të dhunës e përleshjeve në tre burgje të Ekuadorit kanë shkaktuar vdekjen e rreth 80 të burgosurve. Autoritetet lokale thanë sot se kanë rimarrë kontrollin e institucionave të burgimit por masakra shton plagën e vazhdueshme të sistemit të korruptuar e të mbipopulluar të dënimeve ne vend.
Agjencia qeveritare e burgjeve tha se 37 të burgosur kishin vdekur në Guayaquil, 34 në qytetin e Cuenca, dhe tetë në qytetin qendror të Latacunga.
Përlesje të organizuara kishin shpërthyer në zonën e sigurisë së lartë së qendrave të burgimit, teksa bandat rivale luftonin për dominimin e territorit.
Trazirat kishin shpërthyer kur autoritetet e burgjeve kishin nisur një fushatë kontrollesh për armë nëpër qeli. Vetëm pas tre ditë kaosi, shumë të vdekurish e të plagosurish, autoritetet thanë se kishin rimarrë kontrollin e qendrave.
Pamjet televizive vendore të datës 22 shkurt tregonin të burgosur që hidheshin nga mure të lartë, ndërsa të tjetë që hapnin me force dyert e burgut.
Të burgosurit ishin ndaluar më pas nga policia dhe ushtria.
Foto dhe video në mediat sociale, tregoheshin pamje të rënda të të burgosurve që u ishte prerë koka, të tjerë të gjymtuar apo te shtrire në pellgje gjaku.
Zonat e sigurisë së lartë në burgje mbajnë zakonisht të dënuarit për vrasje, trafik drogash, zhvatje dhe krime të tjera të rënda.
Presidenti Lenín Moreno shpalli gjendjen e emerngjencës për sistemin e burgjeve dhe urdhëroi shtim të masave të sigurisë.
Moreno komentoi: “Si rezultat i trazirave të dhunshme në tre burgje të vendit, kam urdhëruar ministrinë e mbrojtjes të kryejë kontrolle të ashpra për armë, municione dhe lëndë eksplozive në zonat rreth institucioneve”.
Një trazirë e ngjashme në vitin 2020 në disa qendra burgimi shkaktoi vdekjen e 11 të burgosurve prej kontrontimeve mes tyre.
Top Channel
