Motra e ‘viktimës’ së Epstein denoncoi abuzimet para 27 vitesh, FBI heshti. Zbulohen dosjet 21/12 20:06
Një drejtor famëkeq burgu në Rusi është shkarkuar sot pas disa vitesh raportime për tortura masive ndaj të burgosurve dhe sulme të natyrës seksuale.
Kolonel Igor Mokeev, i njohur ndryshe si ‘Hitleri’ apo ‘Mjeshtri’, është shkarkuar pas nisjes së kontrolleve zyrtare mbi raportimet për “veprime ilegale të natyrës seksuale” ndaj të burgosurve dhe keqtrajtime të tjera, në burgun e rajonit të Siberisë, Irkutsk.
Aziyana Oorzhak Ondar, vëllai i të cilës Kezhik Ondar është i burgosur atje, thotë se Kezhik është lënë ‘me paaftësi të përhershme’ ne rectum (fundi i zorrës) që është çarë nga dhunimi me një levë, për çka ai ka pasur nevojë për dy operacione.
Në dëshminë e saj thuhet se Ondar kishte ulëritur, thirrur për ndihmë por asnjë nga adminsitrata e burgut nuk kishte ndaluar torturën dhe përdhunimin.
Më tej një nga zyrtarët që po dëshmonte në aktet e rënda, raportohej se po ngërdheshej ndaj skenave të torturës dhe “me qetësi kishte mbyllur derën”.
Tortura në burgun e Irkutsk, SIZO-1 ishte konfirmuar dhe nga avokati i popullit në Rusi.
Mokeev është shkarkuar nga detyra dhe po hetohet për “diskreditim” të shërbimit të burgjeve, ndërsa një tjetër komandant i lartë i burgut është arrestuar me akuza torture, bashkë me disa vartës të tij.
Një ish-i burgosur atje, i kthyer në aktivist kundër abuzimeve në burgje në Rusi, Vladimir Osechkin, 40 vjeç, tha: “Ne besojmë se ajo që i ndodhi Kezhik Ondar është vuajtur nga qindra të burgosur”.
Osechkin shtoi se Mokeev njihej me nofkat “Mjeshtri” dhe “Hitleri”, dhe se emri i tij kishte terrorizuar prej dhjetë vjetësh të burgosurit.
Top Channel
