Gjyqi ndaj Trump, përfundon dhënia e dëshmive! Juria do marrë vendimin nëse ish-presidenti do shpallet fajtor 21/05 22:43
Ish-Zonja e Parë e SHBA ka reaguar ndaj një lajmi në mediat vendase ku thuhej se ajo nuk donte t’ia dinte për gjyqin e paditjes së Donald Trump. Zyra e saj ka dënuar së fundmi “fiksimin e sëmurë” të mediave me të.
Melania Trump ka qenë objekt i shumë artikujve në media që prej largimit të ish-presidentit nga Shtëpia e Bardhë, ndoshta më shumë se vetë Donald Trump.
Por në llogarinë e saj zyrtare në Twitter u shfaq një reagim ndaj komenteve për lajmin e CNN ku pretendohej se zonja Trump nuk donte t’ia dinte për padinë e dytë zyrtare të bashkëshortit të saj, në të cilën Donald Trump mori sërish pafajësinë.
Zyra e saj tha: “Zonja Trump nuk është më ‘Zonjë e Parë’. Ajo është një qytetar privat, një nënë e një bashkëshorte”.
“Burimet e këtij artikulli nuk kanë të bëjnë asgjë me të, me mendimet e saj apo me jetën e saj private. Gazetari i CNN ka zgjedhur të publikojë thashetheme të rreme dhe kjo tregon për fiksimin e sëmurë të mediave”.
Presidenti Trump u largua nga zyra muajin e kaluar pas humbjes së zgjedhjeve ndaj demokratit Joe Biden.
Lajmi në CNN thotë se zonja Trump kalonte shumicën e ditëve gjatë paditjes zyrtare të presidentit, në qendrat trupore të rezortit Mar-a-Lago në Palm Beach, Florida.
Aty shtohej se Melanias nuk i pëlqen të flasë për politikë prandaj nuk është fare e interesuar në procesimet kundër Donald mbi protestën e dhunshme në Kongresin amerikan më 6 janar, ku pesë njerëz humbën jetën.
I ashtuquajturi ‘burim’ i rrjetit CNN thoshte: “Ajo shkon në qendrat e kurimit të trupit, ha drekë, shkon përsëri në qendrat e trupit, dhe më pas ha darkë me Donald në kopësht. Më pas cikli përsëritet çdo ditë.”
Në një tjetër lajm të ngjashëm, CNN shkruante se zonja Trump ishte “xheloze” për popullaritetin e menjëhershëm të zonjës së Parë të re, Jill Biden.
Top Channel
