A jeni i shqetësuar që shumë zyrtarë të lartë po hetohen nga SPAK? Rama: S’më vjen mirë nga ana njerëzore, por jam i vendosur që kjo betejë të vazhdojë pa kompromis
28/12 23:13
Deputetja Fatjona Dhimitri ka hedhur akuza ndaj qeverisë se nuk e ke menaxhuar sic duhet situatën e shkaktuar nga moti i keq me stuhi dhe reshje të dendura dëbore.
Ajo e cilësoi “traktoriste”, ministren e transportit Belinda Balluku pasi foli nga borëpastruesja në lidhje me masat që ishin marrë për pastrimin e rrugëve. Deklarata e Dhimitrit nxiti reagimin e menjëhershëm të Mimi Kodhelit, e cila e këshillloi që të ketë respekt për mënyrën si i etiketon njerëzit.
Ndërsa Balluku e sqaroi se foli nga borëpastruesja pasi ishte e pamundur që të fliste nga rruga sepse kishte zhurmë.
Fatjona Dhimitri: Është e turpshme të bëjmë fushata luksi kur në këto netë të acarta janë bllokuar automjete e pushtetarët e rilindjes nuk paskan kripë të zezë për rrugët. Kur edhe ajo kripë bëhet me duart e punëtorëve që kërcënohen me bukën e gojës që të votojnë për partinë në pushtet.
Ju vidhni pa ju brejtur ndërgjegjia sepse nuk keni një të tillë. Traktoristja e transportit doli si heroinë, këtë herë nuk e zuri halli tek Nusreti, por tek një borëpastruese për të xhiruar serinë e radhës të serialit të mashtrimit.
Mimi Kodheli: Unë e këshilloj zonjën deputete që të na i kursejë patetizmat. Si bashkëkryetare e aleancës së grave, përmenden dy emra në diskutimin e saj në mënyrën më ofenduese të mundshme, e këshilloj deputeten që të dijë të ketë respect për gratë, koleget, për veten për shkak të mënyrës se si etiketon njerëz. Ne shpresojmë që këto aleancat e ndihmojnë nga pak përmirësimin e gjuhës së kolegeve dhe kolegëve në këtë sallë, kemi bërë përparime, por kuptoj nga biseda patetike e koleges vajzë se për fat të keq kemi akoma punë për të bërë.
Belindi Balluku: Unë nuk do konsumoja kohën për t’iu përgjigjur një personi, i cili supozohet se ishte kundër propagandës. Zonja deputete, traktoristi duhet të jetë nder, mos e përdorni për sharje sepse ka shumë traktoristë që punojnë e mbajnë familjen me bukë dhe ato traktoristët, zetoristët apo shoferët e borëpastruesve bënë të mundur që të përballohej një situatë ekstreme. Por në detyrat e deputetit është që të dilni në zonë dhe të mbështesni njerëzit, sic kam parë Taulantin futur në ujë e borë këto ditë.
Nuk e di nëse këto ditë keni dalë në terren apo ke bërë këtë fjalim pasionant. Është mirë të shikoni si funksionon gjatë një situatë të tillë, si bora vazhdon dhe bie pasi është moment aktiv i motit ekstrem. Nuk e di çfarë specialiteti keni ju që flisni se si mbahen rrugët hapur. Komunikimi që ishte i nevojshëm për tu bërë nuk bëhej nga rruga, ndaj u futa në borëpastruese. Nuk e di nëse jeni të mërzitur se u duk që borëpastrueset ishin në terren ndërsa ju thonit që nuk ka punëtorë në terren, por si u hapën këto rrugë, apo ju me imagjinatën tuaj duke sharë e mallkuar para televizorit e duke thënë si njerëzit të bëhen vrasës në ditët më të këqija.
Për cilën pandemi flet ti, si është menaxhuar dhe çfarë ke bërë ti përveç se ke sharë e mallkuar? Cili shqiptar ka dyshime se si ne kemi përballuar tërmetin? Hap internetin dhe shiko çfarë ndodh në Akuila, njerëzit jetojnë akoma në kontejnerë, ndërsa ne po bëjmë shtëpitë pa i marrë kontribut qytetarëve. Mirë që nuk ndihmoni e kontribuoni, por të paktën kontribuoni në qetësi.
Top Channel
