Marshimi në Elbasan/ Vrasja e Martin Canit, qytetarët bëjnë apel për sensibilizim
27/11 19:57
Në ambientet e Ministrisë së Arsimit, Sportit dhe Rinisë u zhvillua ceremonia e kurorëzimit të shkollave fituese të etiketës ‘eTwinning School Label’ nga Komisioni Europian.
Ministrja Kushi në këtë aktivitet ku shpërndau çmimet për shkollat fituese, nënvizoi se përtej vështirësive të një viti të pazakontë, falë angazhimit maksimal të të gjithë sistemit arsimor, shumë shkolla të reja kanë arritur ta marrin këtë trofe, duke arritur në total 47 shkolla të vlerësuara në nivel kombëtar.
“Jam e lumtur që rrjeti “eTwinning” vijon të rritet përditë me mësues e drejtues të rinj, të angazhuar në projekte kurrikulare binjakëzuese me shkolla të vendeve të tjera pjesëmarrëse në këtë rrjet ndërkombëtar”, shprehet ministrja.
Projekti “eTwinning” është projekt i Komisionit Europian, në të cilin Ministria e Arsimit, Sportit dhe Rinisë aderon tashmë prej 7 vitesh. Rrjeti i pjesëmarrësve sa vjen e zgjerohet me përfshirje aktive të mësuesve shqiptarë në arenën ndërkombëtare, duke kontribuar në këtë mënyrë në promovimin e vlerave kombëtare e arsimore në rajon e më gjerë.
Top Channel
