Analiza e REL: Irani po tenton të zgjerojë ndikimin e tij në Afrikë duke i ofruar armë, partneritet dhe kaos 25/04 08:49
Taulant Balla
Numri 2 i PS Taulant Balla foli edhe për përgjimet e anti-mafias italiane për mediat pas mbledhjes së PS. Duke komentuar përgjimet e antimafias italiane, në të cilat përmendet me emër edhe eurodeputeti Lorenzo Cesa, si personi që koordinon ndërhyrjet e nevojshme në Tiranë me qëllim garantimin e tenderave, koncecioneve dhe lejeve të ndërtimit, Balla tha se këtë të fundit kreu i PD e njeh shumë mirë.
“Sa për përgjimet mund t’ju them që europdeputeti që përfshihet ose përmendet është mik i vjetër i Lulzimit, shkoni pyeteni, atë, se e ka pritur në zyrë ai e ka takuar dhe në Romë.
Ata që janë përmendur me emra i keni në Presidencë. për të tjerat duroni dhe dëgjoni. SPAK do bëjë verifikimet e veta dhe do t’i shkojë deri në fund. Kjo është një çështje ne hetim”, tha Balla.
Pyetjet e plota nga gazetarët
Keni diskutuar përgjimet e antimafias italiane sa i përket kërkesës së disa përfaqësuesve të mafias për t’u perfshirë në ndërtimet në Tiranë? A është e shqetësuar mazhoranca se paratë e Ndragheta mund të kenë depërtuar në Shqipëri?
Balla: Siç e dini, unë jam kryetari i delegacionit shqiptar në Parlamentin Evropian dhe mund t’ju them me bindje të plotë që eurodeputeti që përmendet, është një mik i vjetër i Lulzim Bashës. Shkoni pyeteni Lulzimin, e ka pasur në zyrë, e ka takuar dhe në Bruksel e Romë. Mund t’jua sqarojë
Po për 20% që përmendet sa i takon Bashkisë?
Balla: Edhe për këtë mund ta pyesni Lulzimi e njeh shumë mirë konceptin.
Kreu i SPAK ka deklaruar se do kontaktojë me autoritetet italiane për të parë nëse do nisin hetimet në Shqipëri…
Balla: Është gjë shumë e mirë, të bëhen hetime të thella e të plota. Ajo që po ju them meqë bëhet fjalë për një eurodeputet me emër, ju them pyeteni se e kanë pasur dhe në zyrë
Ju njihni ndonjë biznesmen me emrin Nik që fiton tendera në Shqipëri?
Une besoj se isha i qarte. Si politikan meqë është përmendur një politikan italian, nëse hyni në këto historira, ata që janë përmendur realisht me emër i keni në Presidencë.
Po se përmendet bashkëshorti i një drejtoreshe në Qeveri.
Balla: Te lutem, i keni dhe miqtë e kryetarit të opozitës.
Edhe dhëndrin e partisë?
Balla: Për të tjera duroni dhe dëgjoni. Ajo që unë përshëndes është fakti që prokuroria speciale anti korrupsion do bëjë verifikimet e duhet t’i shkojë padyshim deri në fund kësaj çështje, por është çështje që po hetohet nga organet e drejtësisë së vendit fqinj e unë s’dua të hyj.
Top Channel
