Turqia kërkon të rrisë volumin tregtar në $50 miliardë me Afrikën, me vizitën e kryeministrit të Lesotos (fotot)
19/11 18:15
Aktorja dhe regjisorja Asia Argento ka akuzuar regjisorin e “The Fast and the Furious” dhe të “xXx”, Rob Cohen, për agresion seksual.
Ajo tha për mediat italiane se Cohen e kishte përdhunuar pasi e kishte detyruar më parë të pinte GHB, një lloj droge e lidhur me sulmet seksuale. Një zëdhënës i regjisorit Cohen, e konsideroi pretendimin e Argentos si kategorikisht të rremë e madje shokues. Sipas tij, Argento dhe Cohen kanë patur një marrëdhënie të shkëlqyer pune dhe se vetë regjisori Cohen e konsideronte aktoren një mike.
Argento pretendon se agresioni ka ndodhur ndërsa po xhirohej filmi aksion xXx në 2002 me Vin Diesel dhe Samuel L. Jackson. “Në atë kohë, unë nuk e dija ekzaktësisht se çfarë kishte ndodhur. U zgjova në mëngjes e zhveshur, në krevatin e tij”, tha Argento për mediat italiane.
Akuzat, janë përfshirë edhe në autobiografinë e Argentos, Anatomy of a Wild Heart, që do të publikohet në Itali më 26 janar. Argento ishte një nga të parat që akuzoi për përdhunim producentin e Hollywood-it Harvey Weinstein, tashmë të dënuar, dhe e bëri këtë në një interviste për the New Yorker në 2017. Por më pas, ajo u gjend vetë nën akuza për agresion seksual, në 2018, nga aktori amerikan Jimmy Bennett, në një rast që u zgjidh pasi ish partneri i saj, Anthony Bourdain, i pagoi Bennet 380 mijë dollarë pas akuzave që nga vetë Argento u konsideruan të rreme. Sidoqoftë, edhe Cohen nuk është krejt i pastër. Në 2019 ai u akuzua në shtyp për agresion seksual ndaj një viktime, emri i të cilës nuk u bë publik. Më herët, ai ishte përballur me akuza të ngjashme nga vetë e bija, Valkyrie Weather, që e akuzonte se e kishte bezdisur kur ishte fëmijë.
Top Channel
