Ushtari 23-vjeçar britanik shpallet fajtor, spiunonte informacione të rëndësishme për Iranin 28/11 12:15
Renzi, Conte
Ish-kryeministri Italian Matteo Renzi e zhyti në krizë qeverinë aktuale të fqinjit tonë përtej Adriatikut me vendimin për të tërhequr partinë e tij të qendrës nga koalicioni qeverisës, duke e zhytur sërish vendin në kaos politik pikërisht në kohën kur përballet me emergjencën e koronavirusit.
Duke folur në një konferencë të shumëdiskutuar për shtyp, Renzi tha se dy ministrat e partisë së tij Italia Viva do të jepnin dorëheqjen.
‘Kjo është një konference shtypi që Italia Viva ka organizuar për të njoftuar për të bërë një vlerësim të situatës politike në vend dhe për të njoftuar dorëheqjen e ministreve Teresa Bellanova dhe Elena Bonetti. Për këtë njoftuam përmes një letre edhe kreun e ekzekutivit. Megjithatë, ne jemi të gatshëm për diskutime’- tha Renzi.
Kjo e lë qeverinë e Giuseppse Contes pa një mazhorancë në parlament dhe në buzë të kolapsit. Mbështetja e partisë së Renzit është kritike për mbijetesën e koalicionit të drejtuar nga lëvizja anti-establishment Pesë Yjet dhe Partia Demokratike e Qendrës së Majtë.
Më herët gjatë ditës, Conte pati thënë se shpresonte që Renzi të mos e bënte një lëvizje të tillë, duke paralajmëruar se vendi nuk do ta kuptonte dot shembjen e qeverisë në mesin e një krize madhore shëndetësore.
Italia nuk është e pamësuar me tërmete politike, tensione e skandale. Shumicat e lëkundura në Romë kanë drejtuar më shumë se 60 qeveri që prëj Luftës së Dytë Botërore. Megjithatë, përplasja e fundit politike vjen në një moment të dhimbshëm për Italinë, një prej vendeve me nivelin me te larte te infektimeve dhe vdekjeve nga Covid-19 në Europë.
Top Channel
