Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Trump planifikon të vizitojë murin në Alamo, një qytet në Luginën Rio Grande të Teksasit. Njerëzit kujtuan Betejën e Alamos, një humbje e madhe për Teksasin, e cila u përdor më vonë nga disa banorë të Teksasit për të bërë thirrje për luftë.
Megjithatë, Shtëpia e Bardhë mohoi çdo simbolikë në zgjedhjen e destinacionit të Trump.
Presidenti i SHBA-ve, Donald Trump do të vizitojë kufirin SHBA-Meksikë të martën, vetëm një javë para se të largohet nga zyra për të shpallur atë që ai e konsideron si një nga arritjet e tij më të mëdha: ndërtimin e pjesshëm të një muri përgjatë kufirit SHBA-Meksikë.
Zëdhënësi i Shtëpisë së Bardhë, Judd Deere thotë që vizita do të shënojë përfundimin të më shumë se 400 miljeve të murit kufitar, një premtim i bërë nga Trump, në përpjekje me administratën së tij për të reformuar sistemin e imigracionit.
400 milje (644 km) përfshin një sasi të konsiderueshme të ndërtimit të mureve në vendet ku administratat e mëparshme kishin ndërtuar tashmë struktura. Ajo përfaqëson pa dyshim trashëgiminë më konkrete të administratës katërvjeçare të Trump dhe rregullimin e tij të sistemit të emigracionit në SHBA.
Në garën e tij presidenciale në vitin 2016, Trump u zotua të ndërtonte një “mur të madh dhe të bukur” në kufirin SHBA-Meksikë që do të ishte i gjatë 1.000 milje.
Ai gjithashtu premtoi se Meksika do të paguante për ndërtimin e tij, por fondet kanë ardhur nga Shtetet e Bashkuara.
Por çfarë do të ndodhë me murin pas ardhjes së Joe Biden?
Presidenti i zgjedhur Joe Biden është zotuar të ndalojë ndërtimin dhe të përqendrohet më shumë në teknologjinë për të siguruar kufirin. Ai tha se ai do të hiqte dorë nga proceset gjyqësore për të kapur tokën për ndërtimin e kufirit. Nuk është e qartë se çfarë do të bëjë administrata e Biden me kontratat për ndërtimin e mureve që tashmë janë dhënë, por që ende nuk janë përfunduar.
Administrata Trump ka ngritur dhjetëra padi për të marrë tokën në Teksas që nga dita e zgjedhjeve ndërsa përpiqet të shkojë përpara me ndërtimin e mureve. Ai gjithashtu ka përshpejtuar ndërtimet në tokat publike ku kundërshtarët thonë se terreni i ashpër malor tashmë ka vepruar si një pengesë efektive.
Përfaqësuesi Henry Cuellar, një demokrat i Teksasit kërkon dëmshpërblime për njerëzit, toka e të cilëve iu mor për ndërtimin e mureve nën Trump.
Burimi: Reuters
Top Channel
