Dhimbje muskujsh e lodhje/ Pasojat e Covid-19 mund të shkojnë një vit!

Por një studim i ri tani shkon edhe më tej. Ai provon se edhe ata që e kanë kaluar infeksionin dhe zyrtarisht janë të shëruar, shpesh nuk janë dhe aq të shëndetshëm, thonë hulumtuesit në rezultatet e publikuara në revistën shkencore, “Lancet”. Sipas studimit, gati dy e treta e pacientëve të trajtuar në spitale, edhe gjashtë muaj pas sëmundjes akute, vuajnë nga simptoma të ndryshme.

“Analiza jonë tregon, se shumica e pacientëve, pas daljes nga spitali duhet të jetojnë të paktën me disa nga efektet e virusit dhe nënvizojnë nevojën e një kujdesi postCOVID-19, veçanërisht për ata që kanë kaluar infeksion të rëndë”, thotë Bin Cao, një nga autorët e studimit dhe zëvendësdrejtor i Qendrës Kombëtare Klinike për Sëmundjet Respiratore.

Shkencëtarët vëzhguan mbi 1700 të infektuar. Pacientët ishin të moshave mesatarisht 57 vjeç, 52% e tyre ishin burra, 48% gra. Shkencëtarëve u ra në sy, se femrave u duhej të luftonin më shumë me problemet psikike se sa burrave. Ekspertët thanë se në disa raste, pasojat  e kësaj sëmundjeje mund të shkojnë deri në një vit pas prekjes prej saj.

Top Channel