Serbia nga e enjtja heq testin PCR për Maqedoninë e Veriut
12/01/2021 13:26
Tubimi i opozitës, përdoret ujë për shpërndarjen e protestuesve 26/11 17:32
Kryeministrja e Serbisë, Ana Brnabiç
Kryeministrja e Serbisë, Ana Brnabiç theksoi se nga e enjtja, në 14 janar, Serbia do të heqë testin e detyrueshëm PCR për të hyrë në vend për qytetarët e Maqedonisë së Veriut.
Sipas njoftimit me shkrim të Qeverisë, kryeministri Zoran Zaev sot zhvilloi bisedë telefonike me kryeministren e Republikës së Serbisë, Ana Brnabiç.
Gjatë bisedës, me urimet për një vit të suksesshëm 2021, u shprehën dëshira dhe interesi për një bashkëpunim edhe më të thellë mes qeverive dhe popujve të të dy vendeve në vitin e ri.
Kryeministrja serbe Brnabiç, siç shkruan në njoftimin, e informoi kryeministrin Zaev se nga e enjtja, 14 janar, Republika e Serbisë do ta heq testin e detyrueshëm PCR për të hyrë në Serbi për qytetarët e Maqedonisë së Veriut, ku sërish do të sigurohet reciprocitet dhe komunikim i ndërsjellë i papenguar mes qytetarëve të dy vendeve.
Top Channel
