Top Talk/ Zheji zbulon misionin e fshehtë të Ramës për të vendosur paqen midis Erdoganit dhe Mitsotakis

Artur Zheji thotë se mund të bëhet shumë mirë një paqe trepalëshe që mund të jenë sipas formulës “win-win”.

“Rama vjen nga një pritje shtetërore shumë e lartë nga Ankaraja dhe ulet me Mitsotakis, i cili e pret në mënyrë sportive. Vjen i karikuar si një mik strategjik i Turqisë. Shqipëria në këtë rast ka peshë të vogël të fuqisë por ka peshën e ndërmjetësit, mund të bëjë kompromise më kollaj se Turqia dhe Greqia. Vetë Mitsotakis ndihet i lodhur nga konflikti i Greqisë me Turqinë.

Mendoj që Rama ka një avantazh pozitiv, duke luajtur topin në mesfushë, bën një shpërndarje të lojës në Ballkan”.

Zheji argumenton se këto takime, Rama i bën për të zgjeruar ndikimin e tij në Ballkan.

“Ramës i rri ngushtë Shqipëria, do të luajë ‘ballkanikisht’. E filloi me minishengenin ballkanik, me Kosovën, Maqedoninë e Veriut, Greqinë, Turqinë. Erdogani është një kolonë mbështetëse shumë e madhe e tij tashmë.

Ai ka ditur të manovrojë dhe të marrë kartat e besimit si një njeri që di të negociojë”.

Afrimitetin e kryeministrit shqiptar me Erdogan e sheh si faktor pozitiv për Shqipërinë: “Fakti që për të shkuar në Athinë, Rama kaloi nga Ankaraja është pozitive për Shqipërinë, sepse mori aty tagrat e përfaqësimit të negocimit të pjesës juglindore të Ballkanit, edhe nga Erdogani.

Erdogani është garant i interesave shqiptare në raportet shqiptaro greke. Është gjeopolitike, unë uroj që të dalë për mirë!”

 

 

Top Channel