Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Juventus ka regjistruar dy fitore radhazi në harkun kohor të tre ditëve dhe është afruar edhe më shumë me kreun, ndërsa sulmuesi spanjoll Alvaro Morata i ka ndjekur të dy sukseset e bardhezinjve nga televizori.
Morata pësoi një dëmtim muskulor në stërvitje, një ditë para ndeshjes me Fiorentinën dhe gjatë kësaj kohe është stërvitur i diferencuar, ndërsa mediat pranë klubit bardhezi konfirmojnë se nuk do të jetë në dispozicion të Pirlos as për sfidën e të dielës ndaj Sassuolos.
Synimi i Moratës është që të rikthehet në formën maksimale për ndeshjen me Interin, e programuar për t’u zhvilluar të dielën e 17 janarit në “San Siro”, aty ku bardhezinjtë do të synojnë një tjetër sukses, për t’u rikthyer plotësisht në garën për titullin kampion.
Kështu edhe të dielën ndaj Sassuolos, misionin për të dërguar topin në rrjetë do ta kenë Cristiano Ronaldo, Paulo Dybala dhe Federico Chiesa, ndonëse ky i fundit u largua i dëmtuar dje në ndeshjen me Milanin dhe nuk dihet nëse do të rikuperohet plotësisht.
Top Channel
