Jennifer Lopez ‘i mbyll derën’ Ben Affleck/ Aktori strehohet tek ish-gruaja e parë pasi shtëpia 20 milionë dollarëshe u përfshi nga zjarri 09/01 10:41
Festivali i 37-të Ndërkombëtar i Skulpturave të Akullit dhe Borës në Harbin në Kinë është hapur për vizitorët, duke shfaqur kulla të ngrira, pallate dhe kështjella.
Festivali në Harbin, një qytet në provincën veri-lindore të Kinës, është një nga më të mëdhenjtë në llojin e tij.
Në qytet gjenden struktura të larta akulli dhe dëbore dhe do të presë aktivitete si hokej mbi akull, futboll mbi akull, patinazh i shpejtë dhe gara të skive alpine.
Me kufizimet për të hyrë në Kinë për shkak të pandemisë, turistët vendas pritet të përbëjnë shumicën e vizitorëve.
Festivali filloi për herë të parë në vitin 1963 dhe u ndërpre gjatë Revolucionit Kulturor të Kinës, duke rifilluar përsëri në 1985.
Në dhjetor, rreth 300 “minatorë akulli”, shumë prej të cilëve janë punëtorë ndërtimi dhe fermerë, ndërtuan strukturat e larta të akullit për këtë festival.
Për të ndërtuar qytetin e ngrirë, dhjetëra mijëra blloqe akulli u morën nga lumi i ngrirë Songhua, i gjerë disa kilometra,dhe që kalon nëpër Harbin.
Festivali i Akullit zgjat deri më 25 shkurt.
Burimi: BBC
Top Channel
