Moti i keq sjell përmbytje në disa qytete, rrugët e Vlorës të mbushura me ujë
07/01/2021 10:40
Dalin përgjigjet e lotarisë amerikane, ja linku ku mund të shihni nëse jeni fitues 04/05 18:24
Reshjet e dendura të shiut kanë sjellë disa problematika në zona të ndryshme të vendit.
Në Vlorë, rrugët e qytetit bregdetar janë mbushur me ujë duke sjellë problematika të mëdha në qarkullimin e mjeteve.
Zonat më problematike janë rrugët në lagjen e 28 Nëntorit, rrugë të lagjes “Pavarësia” dhe zona pranë Universitetit të Vlorës.
Përmbytjet kanë ardhur si pasojë e intensitetit të lartë të reshjeve, ndërsa punonjësit e shërbimeve publike ndodhen në terren për normalizimin e situatës.
Përmbytjet nuk kanë “kursyer” as autostradën e Vlorës, teksa prurjet e mëdha të shiu kanë bërë që hyrja e autostradës dhe aksi i hyrjes së Bypasit të përmbyten.
Mësohet gjithashtu se, kanali i ujërave të larta ka “shpërthyer” duke përmbytur kështu të gjitha rrugët.
Top Channel
