“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Një person ka humbur jetën si pasojë e një aksidenti që ka ndodhur në rrugën Arllat-Malishevë mbrëmjen e djeshme. Në këtë aksident janë përfshirë katër automjete ndërsa kanë të mbetur të lënduar edhe 6 persona të tjerë.
Zëdhënësja e Drejtorisë Rajonale të Policisë së Prishtinës, Flora Ahmeti, tha se të lënduarit janë dërguar për trajtim mjekësor ndërsa ngjarja ka ndodhur rreth orës 20:30.
“Rreth orës 20:30, në rrugën Arllat-Malishevë ka ndodhur një aksident trafiku ku kanë qenë të përfshira 4 automjete. Bazuar në të dhënat e deritanishme, si pasojë e aksidentit janë lënduar shtatë persona. Njëri nga personat e lënduar nuk ka arritur të përballojë plagët dhe i njëjti ka ndërruar jetë.
Vdekjen e viktimës e ka konstatuar ekipi mjekësor në vendngjarje. Personat e tjerë janë dërguar për tretman mjekësor ndërkohë që me hetimin e rastit po merren hetuesit rajonal të komunikacionit rrugor”- deklaroi Ahmeti.
Top Channel
