Kapet pranë Sazanit, peshkaqeni “dem”/ 6 metra i gjatë, peshon deri 600 kg
18/12/2020 12:27
LAJM I FUNDIT/ Rithemelimi nuk heq dorë nga “zakoni”, hidhen sërish bomba molotov në derën e bashkisë 26/04 11:50
Një peshkaqen rreth 600 kg ka rënë gjatë natës në rrjetat e peshkatarëve të Vlorës disa milje detare larg ishullit të Sazanit. Peshkaqeni u kap në ujërat neutrale rreth 10 milje larg Sazanit, në një thellësi rreth 500 m.
Peshkatari Petrit Lamani tregon se anija e tij kishte tre dite në det dhe sot në orët e para të mëngjesit vunë re që diçka i tërhiqte.
Kjo specie e quajtur peshkaqeni DEM është një grabitqar i rrezikshëm, që jeton në një thellësi 500-600 metra. Ai është gjashtë metra i gjatë dhe madhësia, por dhe dhëmbët e mprehtë e kanë bërë të vështirë nxjerrjen e tij nga rrjetat.
Ky peshkaqen është i rrallë edhe për peshkatarë me 40 vite eksperience si Petriti, i cili thotë se nuk është hera e parë që në rrjetat e tij bie një specie e këtillë, pasi në ujërat e Adriatikut ka peshkaqenë të mëdhenj, por jo të kësaj madhësie, peshe e rrezikshmërie.
Top Channel
