Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Napoli dhe Real Sociedadi luftuan fort deri në fund dhe barazuan 1-1 në stadiumin “Diego Maradona”, rezultat që pati pak vlerë për faktin që Alkmaari u mposht 2-1 nga Rijeka, çka do të thotë se si napolitanët ashtu edhe baskët u kualifikuan në raundin e 1/16-ave. Për skuadrën e Gattusos shënoi në minutën e 35-të Zielinski, ndërsa në kohën shtesë barazoi Willian Jose.
Rapidi i Vjenës nuk ia doli të mposhtte Molden, për t’i marrë vendin e dytë dhe rrjedhimisht kualifikimin. Ekrem zhbllokoi sfidën në favor të Moldes që në minutën e 12-të, por pa u mbyllur pjesa e parë barazoi Rtizmaier. Ekrem shënoi të dytin përsonal në fillim të pjesës së dytë, ndërsa barazimi i vjenezëve erdhi shumë vonë me Ibrahimoglu (90’). Në Grupin B Arsenali përmbylli ecurinë perfekte me gjashtë fitore radhazi me suksesin 2-4 në fushën e Dundalkut.
Në Grupin A, pas Romës, që ia lejoi vetes humbjen 3-1 në fushën e CSKA-së së Sofjes (shënoi dy gola ish-sulmuesi i Skënderbeut, Ali Sowe), kualifikohet skuadra zvicërane Young Boys, që iu imponua 2-1 Clujit, rivalit direkt për vendin e dytë. Në grupet e tjera enigmat ishin zgjidhur në raundin e parafundit. Më poshtë rezultatet e ndeshjeve që nisën në orën 18:55:
Rezultatet:
Bayer Leverkusen – Slavia Prague 4-0
CSKA Sofia – AS Roma 3-1
Dundalk – Arsenal 2-4
Beer Sheva – Nice 1-0
Lech Poznan – Rangers 0-3
Napoli – Real Sociedad 1-1
PAOK – Granada CF 0-0
PSV – Omonia 4-0
Rapid Vienna – Molde 4-0
Rijeka – AZ Alkmaar 2-1
St. Liege – Benfica 2-2
Young Boys – CFR Cluj 2-1
Top Channel
