“Adriatik Kalemi si ‘John Wick’”, Artan Hoxha për vrasjen e trefishtë në Memaliaj: Sa më shumë atentate i bëjnë për ta vrarë, aq më shumë mbijeton
22/07 18:35
“Synimi jonë është që të jemi forcë përcaktuese qeverisëse, mbështetja jonë do të jetë në funksion të një lëvizje transformuese dhe reformatore në Shqipëri, duhet të rrëzojmë kryetarokracinë”.
Kështu u shpreh Astrit Patozi në emisionin “Top Talk”, ku argumentoi se partia që ai kryeson., Bindja Demokratike, së bashku me parti apo lëvizje të tjera, ndër të cilat ato të Myslim Murrizit dhe Jozofina Topallit, do të synojnë të jenë një alternativë përcaktuese në zgjedhjet e 25 prillit.
Patozi e vuri theksin tek ndryshimet Kushtetuese të vitit 2008, e cila sipas tij do të shënonte rithemelimin e Republikës në Shqipëri.
“Synimi jonë është që të jemi forcë përcaktuese qeverisëse, mbështetja jonë do të jetë në funksion të një lëvizje transformuese dhe reformatore në Shqipëri, duhet të rrëzojmë kryetarokracinë. Duhet ta fillojmë me ndryshimet Kushtetuese të 2008 të cilat duhet të zhbëhen, aty duhet të fillojë rithemelimi i Republikës në Shqipëri.
Unë do të doja që të mos kishte parti dhe lëvizje, por të kishte dhe personalitete të jashtme që të vijnë dhe të mos jenë detyrimisht anëtarë partie. Bindja Demokratike është e hapur, nëse një person ka një gjë për të thënë, një gjë për të dhënë për këtë vend, le të vijnë të kandidojnë dhe nuk kanë asnjëlloj detyrimi ndaj Partisë Bindja Demokratike, kështu mund ta bëjmë ne Shqipërinë”, tha Patozi.
Top Channel
