Aksident i rëndë në hyrje të Lezhës, tre të plagosur, dy në gjendje të rëndë 24/11 22:00
Presidenti Meta gjatë daljeve të tij publike, ka përsëritur thirrjet për një referendum mbarëkombëtar, me qëllim rrëzimin e mazhorancës aktuale. Ish-presidenti i vendit Bujar Nishani, i ftuar në emisionin “Top Talk”, tha se Partia Demokratike përshëndet vullnetin e presidentit Meta për referendum, por shtoi se kjo do të ndodhë pas zgjedhjeve të 25 prillit, pasi Partia Demokratike dhe aleatët e saj janë fokusuar tek aksioni politik i para zgjedhjeve.
“Po ka pasur deklarata dhe qëndrime zyrtare të kryetarit të Partisë Demokratike dhe natyrisht zëri i kryetarit përfaqëson edhe qëndrimin e Partisë Demokratike, pjesë e së cilës unë jam. Ne nuk kemi ndonjë dyzim apo lëkundje nga ideja që referendum është tepër i rëndësishëm Kushtetues dhe situatën që kemi që Kushtetuta ka pasuar një minim një zhbërje të rëndë në situatën e këtyre 2-3 viteve të fundit. Besoj që referendumi do të jetë një mekanizëm kurues i rëndësishëm për të kuruar sa të jetë e mundur Kushtetutën tonë, pse jo për të shkuar në një Kushtetutë të re. Këto do të mbeten pas zgjedhjet elektorale.
Partia Demokratike dhe aleatët e saj janë fokusuar në procesin e ardhshëm elektoral, i cili është moment më vendimtar për të sjellë një ndryshim radikal në Shqipëri. Jemi në një situatë anormale, tejet e vështirë, nuk është ndoshta moment për të renditur këtu problematikat e kësaj situate, duhet theksuar fakti që Shqipëria nuk ka nevojë për një rotacion formal politik, për ndryshimin e një qeverie me një tjetër, për ndryshimin e një mazhorance me një mazhorancë tjetër. Ka nevojë për një tronditje të thellë institucionale, kushtetuese, kulturore, sociale dhe politike në vend. Opozita është e fokusuar në këtë fazë të parë të aksionit politik”, tha Nishani.
I pyetur nga gazetari Denis Dyrnjaja, në lidhje me qëndrimin e Partisë Demokratike në lidhje me deklaratat e presidentit Meta për ndryshimin e Republikës së Shqipërisë, pra të kalohet nga ajo Parlamentare në atë Presidenciale ku roli kryesorë do i kalonte presidentit; Nishani tha se kjo ndodh në demokraci më të zhvilluara se sa ajo e vendit tonë. Ai shtoi se vendi aktualisht ka nevojë që të stabilizojë demokracinë dhe më pas të vijojë maturimin e Republikës Parlamentare ashtu sikurse është dhe tani.
“Kjo është një çështje madhore, opinion personal kam. Ne nuk kemi as një vend me përmasa të tilla, as me institucione të tilla, që të kalojmë në një republikë presidenciale. Unë mendoj që Shqipërisë I duhet të konsolidojë dhe të rikthejë normalitetin e pushtetit të rëndësishëm legjislativ. Jemi demokraci e re, kemi nevojë për dinamizëm në politikë, për përfshirje në politikë, të aktorëve të ndryshëm, veçanërisht të gjeneratës së re. Unë mendoj që aksioni politik do të jetë i domosdoshëm në vend, edhe për një farë kohe jo të shkurtër në këtë vend të maturimit të demokracisë në Republikën Parlamentare”, përfundoi Nishani.
Top Channel
