Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Kryeministri britanik Boris Johnson ka njoftuar sot buxhetin e ri ushtarak prej 24.1 miliardë paundë (€27 miliardë) shtese, për të transformuar Britaninë përsëri në fuqinë më të madhe detare të Evropës.
Investimi më i madh ushtarak britanik që prej Luftës së Ftohtë do të përdoret për krijimin e një komande ushtarake të hapësirës, një ushtri të re kibernetike dhe një agjenci të inteligjencës artificiale, deklaroi me krenari kryeministri.
Në fjalimin e tij ambicioz për vizionin e të ardhmes post-Brexit, Johnson tha mes të tjerash se “epoka e tërheqjes mori fund”, prandaj do i japë ushtrisë injeksionin më të madh të parave në disa dekada.
Qeveria tha se do të shpenzojë një shumë shtesë prej 24.1 miliardë paundë në katër vitet e ardhshëm, 16.5 miliardë më shumë nga sa ishte premtuar në manifestin e konservatorëve vitin e kaluar.
“Shpenzimet plus do të rivendosin statusin e Britanisë si fuqi parësore detare në Evropë”, deklaroi ai.
Disa luftanije të reja do të ndërtohen në atë që kryeministri quante “nxitje të rilindjes” në ndërtimin e anijeve në portet e Glasgow, Rosyth, Belfast, Appledore e Birkenhead.
Por Johnson refuzoi pyetjet se si do të nxirreshin shpenzimet e reja, mes zhurmave se do të reduktohen fondet e ndihmave të huaja.
Ai shtoi mes të tjerash se plani i tij do të hapë 40,000 vende të reja pune në katër vjet, përqindja e shpenzimeve për ushtrinë do të arrijë në 2.2 për qind të DGP-së, dhe se vitin që vjen aeroplanmbajtësja e re britanike HMS Queen Elizabeth me grupin shoqërues do të nisë lundrimet në Mesdhe, Oqeanin Indian dhe Azinë Lindore.
Top Channel
