EMRAT/ Megaoperacioni i SPAK dhe shkatërrimi i grupit kriminal, kush janë 21 personat ndaj të cilëve u lëshuan masat e sigurisë 26/11 07:34
Gjatë interpelancës së mbajtur ditën e sotme në Kuvend, deputeti Ralf Gjoni u bëri thirrje socialistëve dhe veçanërisht kreut të grupit parlamentar të PS-së, Taulant Balla që të miratonin së bashku një rezolutë për të dënuar sipas tij, krimet e serbëve ndaj shqiptarëve.
“Nuk ka mundësi që për shkak se kemi komplekse nga disa burracakë në BE, që ne të përdhosim luftën e Kosovës, që ka qenë luftë e shenjtë për të mbrojtur viktimat e Milloveshiçit, ndaj gjenocidit serb kundër shqiptarëve në Kosovë. Ka ardhur koha që Tirana dhe Prishtina të flasin njëzëri, ka ardhur koha të mos ketë më kufi midis Shqipërisë dhe Kosovës. Duhet të flasim njëzëri për të mbrojtur imazhin e Kosovës. Ju bëj thirrje socialistëve, zotit Balla në veçanti që duhet të ulemi bashkërisht ta diskutojmë në interes kombëtar ku të dënojmë gjenocidin serb ndaj shqiptarëve, s’duhet të lejojmë që Vuçiç të fitojë luftën e informacionit duke e kthyer pllakën. Ajo gjykatë në Hagë nuk u shërben interesave shqiptare, është antishqiptare. Serbia është ulur këmbëkryq në Tiranë, të bashkojmë forcat, të lëmë akuzat e ndërsjella dhe të bëhemi bashkë një herë të vetme për kombin tonë, kombi është mbi gjithçka dhe sidomos përmbi interesave meskine të partiçkave. Zoti Balla eja ulemi kalojmë një rezolutë, për të dënuar krimet e serbëve ndaj shqiptarëve”, tha Gjoni, i cili e përqendroi fjalën e tij te gjyqi ndaj ish-drejtuesve të UÇK-së në Hagë.
Top Channel
