‘Open’/ Hajdari nënshtetase amerikane, tregon se për kë ka votuar…
04/11/2020 22:37
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Përtej faktit që është e infektuar me COVID-19, deputetja opozitare Rudina Hajdari, mbrëmjen e kësaj të mërkure u shfaq në emisionin ‘Open’ për të folur mbi zgjedhjet presidenciale në Amerikë.
Hajdari tregoi se është një nënshtetase amerikane dhe se votën e ka dërguar me postë. Pyetjes së gazetares Eni Vasili në lidhje me kandidatin që ajo kishte vetuar, Hajdari u përpoq që ta anashkalojë, e ta tregojë përgjigjen me anë të nënkuptimeve. Hajdari theksoi se ka jetuar në shtetin e Nju Jorkut dhe dihet se kë mbështet ky shtet, duke nënkuptuar kështu që vota e saj ka shkuar për demokratin Joe Biden, pasi ky i fundit në këto zgjedhje është shpallur fitues në Nju Jork.
“Po kam votuar edhe në zgjedhjet e kaluara, me postë. Po e kam ndjekur por nuk mendoj që kjo është e rëndësishme. në këtë rast nuk është e rëndësishme, nuk mund të shprehemi për ato gjëra. Unë ndjek nga afër zgjedhjet në Amerikë. Kam jetuar për shtetin e Nju Jorkut për një kohë të gjatë dhe merret me mend për çfarë kam votuar. Ne kemi qenë pro amerikan. Sot vendet e tjera në Ballkan janë duke analizuar zgjedhjet në Amerikë, ne ndjejmë një lloj pro armanikizmi dhe kjo është për t’u përshëndetur. Kushdo president të jetë atje, Shqipëria nuk e ndryshon pikëpamjen e saj për Amerikën”, tha Hajdari.
Top Channel
