Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Do të ishte personi i 106-të që do të shpëtohej këtë të hënë, nga rrënojat e shkaktuara në Izmir prej tërmetit të fuqishëm 6,6 ballë që goditi Detin Egje.
Bëhet fjalë për 3-vjeçaren Elif Perinçek , që njerëzit po i referohen si vogëlushja e lindur me këmishë.
Pallati ku jetonte e mitura nuk mundi dot t’u shpëtonte lëkundjeve të fuqishme sizmike dhe siç raportojnë mediat turke fillimisht u bë e mundur shpëtimi i mamasë së saj, Seher Dereli, dy motrave Ezel and Elzem dhe vëllait, Umut, i cili për fat të keq ndërroi jetë në spital.
Pas tyre, pas plot 65 orëve u gjet e vogla Elif, për të cilën fillimisht u mendua se ishte pa jetë. Zjarrfikësi Muammer Çelik ndan për mediat emocione të papërshkrueshme kur tregon se krejt papritur, 3-vjeçarja i shtrëngoi gishtin. Ishte gjallë!
Mësohet se vajza dhe pjesa tjetër e familjes ndodhen në gjendje të stabilizuar shëndetësore.
Top Channel
