Sara Mila zbulon në “Goca dhe Gra” prapaskenat e jetës së saj politike: Teatër jo i bukur, nuk është aq tragjike sa duket 27/03 22:34
Një nënë që prej vitesh përpiqej të tejkalonte problemet me lindjen e fëmijëve, ka ndarë në rrjet momentin tronditës kur doktori i tha se do të bëhej me katër fëmijë binjakë njëherësh.
30 vjeçarja Natalie Maree, nga Roebourne në perëndim të Australisë, shkruan se burrit të saj Kahn ‘thuajse i ranë të fikët’ kur çiftit iu dha lajmi i lumtur.
Tashmë prindërit tregojnë rregullisht për jetën me katër fëmijët e tyre Maioha Khan, Frankee Gene, Marley Rose e Maddison Grace, së bashku me vajzën e tyre 2-vjecare Kiki.
Natalie nisi të merrte injeksione të regullta hormonesh kur u diagnostikua me infertilitet disa vjet më parë.
Por ajo dhe Kahn u lumturuan kur lindën vajzën e tyre Kiki, pas disa vitesh kur nuk e dinin nëse do të bëheshin ndonjëherë prindër.
Ata përsëri u shokuan kur mësuan se Natalie ishte shtatzënë për herë të dytë në fillim të vitit, por asnjëherë nuk e mendonin se do të lindnin katër bebe njëherësh.
Nëna e re tregon për momentin kur zbuluan numrin e bebeve gjatë skanimit sonografik.
Kur Natalie kishte parë në ekran ato që dukeshin si dy qese ajo thërriti: “Binjakë”, por doktori i tha se gabohej dhe ajo pyeti nëse ishin tre. “Sonografi përsëri tundi kokën në shenjë mohuese dhe pa thënë asnjë fjalë ngriti lart katër gishta”, thotë ajo.
Nëna e pesë fëmijëve lindi bebet me ndërhyrje çezariane vetëm dy-javë para kohe dhe tashmë poston rregullisht mbi ecurinë e tyre në faqen e quajtur “Kiki and the Quads”.
Ajo tregon se nevojten 90 minuta për të ushqyer katër bebet e saj, dhe më pas minutat duhen numëruar përsëri deri në vaktin tjetër të ushqimit.
Natalie ka postuar dy foto të ndryshme te vetes në faqen e saj, me barkun e mbushur me bebe dhe atë të pas-lindjes.
Ajo shkruan për 29,000 ndjekësit: “Sikur të kisha postuar vetëm foton e parë do të më ksihin përgëzuar për formën e mirë pas lindjes së bebeve, por ndjehem shumë e bukur në të dyja dhe jam krenare për atë që trupi im arriti të bëjë”.
Top Channel
