Serie A/ Bologna shtang Napolin, e mposht në Maradona Stadium dhe gara për zonën Champions ndizet më shumë se kurrë 11/05 22:48
Në një përballje spektakolare në San Siro, Milani dhe Roma ndanë nga një pikë pas një barazimi 3-3. Ishte shqiptari Marash Kumbulla që heroi i Romës duke i prishur festën Milanezëve.
Në fakt, Kumbulla kishte një detyrë shumë të vështirë, të mbante gjigantin suedez Zlatan Ibrahimovic, i cili i shpëtoi mbulimit të tij në minutën e 2-të, duke shënuar golin e parë për kuqezinjtë. Në minutën e 14-të, një gabim në dalje i portierit Tatarusanu, u shfrytëzua nga Edin Dzeko, që e pati të lehtë të fitonte duelin me kokë me Romagnolin, 1-1.
I pafat Simon Kjaer në minutën e 30-të, me topin e devijuar prej tij që godet shtyllën, ndërsa në të 43-ën, tentativa e Calhanoglu u prit nga portieri Mirante. Edhe më spektakolare pjesa e dytë, me Milanin që mori epërsinë 2-1 që në minutën e 47-të me Saelemaekers, që shfrytëzoi me një goditje të saktë brenda zonës depërtimit e zgjuar të Leaos nga e majta.
Sërish Roma arrin të barazojë në minutën e 71-të me Veretout, pas një 11-metërshi të shkaktuar nga Benacer, por i kontestuar me forcë nga kuqezinjtë. Megjithatë, me një Zlatan Ibrahimovic që po përjeton një rini të dytë Milani nuk heq dorë nga fitorja dhe në minutën e 71-të 39-vjeçari e ktheu në gol penalltinë e fituar nga Calhanoglu.
Nuk ishte e thenë që Milani të siguronte fitoren e pestë radhazi, pasi festën kuqezinjve ua prishi Marash Kumbulla, në zhvillimet e një këndoreje, falë edhe një devijimi të lehtë të Ibrahimovicit, që u kthye në asist për mbrojtësin e Kombëtares Shqiptare, 3-3.
Lojtari më i mirë i ndeshjes u shpall Calhanoglu, i cili u vlerësua me notën 8.1. Lojtari më i dobët u shpall portieri Tatarusanu, i cili mori notën 5.5. Kumbulla u vlerësua me notën 7.2.
Në foton e mëposhtme do gjeni notat për secilin lojtar:
Top Channel
