Vendi ku nëse refuzon të mbash maskë, burgosesh për 2 vjet

23/10/2020 20:43

Ulja e interesit për zbatimin e masave të koronavirusit pas heqjes së gjendjes së emergjencës, ka bërë që sot kryeprokurori i Etiopisë të njoftojë 2 vjet burg për të gjithë ata që qëllimisht shkelin kufizimet e Covid-19.

Mes masave të tjera për të cilat parashikohen penalizimet e rënda janë shtrëngimi i duarve, ulja e më shumë se tre personave në një tavolinë bari ose restoranti, mos-mbajtja e maskës në vende publike apo qëndrimi më afër se “dy hapa të rriturish”.

“Po rikthehemi në situatën sikur COVID të mos ishte më këtu, publiku nuk po merr masat e duhura,” tha ministrja e shëndetësisë Lia Tadesse.

Etiopia, vendi me popullatën e dytë më të madhe në Afrikë dhe fuqi ekonomike rajonale, shpalli në prill gjendjen e emergjencës për parandalimin e përhapjes së pandemisë, e cila u hoq në shtator.

Ministria e shëndetësisë ka thënë se vendi ka 91,118 raste me Covid-19, 1,384 vdekje dhe 44,506 të shëruar deri tani.

FOTO GALERI
1/3
Kryeprokurori i Etiopisë të njoftojë 2 vjet burg për të gjithë ata që qëllimisht shkelin kufizimet e Covid-19.

Top Channel