​Si të njihni simptomat e gripit

Mjafton që dikush i infektuar të teshtijë ose të kollitet drejt jush dhe ju të thithni grimcat e ndotura. Thjesht, prekja e objekteve që janë të ekspozuar ndaj virusit, dhe më pas prekja e fytyrës, mund të jetë rruga për t’u prekur pas një ose dy javësh.

Kjo do të pasohet nga simptoma të tilla si ethe, hundë e zënë ose rrufë, dhimbje të muskujve, kollitje të vazhdueshme, dhimbje koke dhe, në përgjithësi, rraskapitje dhe gjendje të keqe. Por ndërsa shumica e njerëzve ndihen më mirë me kalimin e kohës, ka qindra mijëra që përballen me komplikime nga virusi çdo vit, thonë ekspertët.

Kur keni grip, patjetër që dëshironi të shëroheni sa më shpejt të jetë e mundur. Por zakonisht nuk shkon aq shpejt, pasi mund të jesh ngjitës edhe para se të kuptosh. Ekspertët thonë se mund të jeni i sëmurë për një deri në katër ditë para se të filloni të ndjeni simptoma.Do të ndiheni mirë gjatë asaj periudhe dhe pastaj papritmas do të keni një tronditje. Do të lodheni papritmas, muskujt dhe nyjat do të dhembin dhe do të duhet të shtriheni në shtrat. Është një shenjë që keni të bëni me gripin, jo me ftohjen e zakonshme.

Shtatë ditë

Simptomat e gripit, thonë ekspertët, shfaqen shpejt dhe janë intensive. Simptomat më të hershme zakonisht përfshijnë ethe, të ftohtë, dhimbje të muskujve, trupit dhe lodhje. Atëherë mund të vëreni simptoma të tjera, të tilla si dhimbje fyti dhe kollë e thatë. Ethet mund të zgjasin për dy deri në katër ditë, ndërsa simptomat e tjera mund të zgjasin deri në shtatë ditë.

Larja e duarve

Rikthimi në rutinën tuaj të përditshme shumë shpejt mund të parandalojë shërimin. Nëse duhet të dilni nga shtëpia ndërsa jeni i sëmurë, merrni parasysh të blini një maskë të lirë për fytyrën. Kjo do t’ju parandalojë nga përhapja e viruseve dhe vendosja e duarve afër gojës. Nëse dëshironi të qëndroni të shëndetshëm, vaksinohuni, lani duart dhe shmangni prekjen e fytyrës, gjë që mund t’ju ndihmojë të qëndroni të shëndetshëm gjatë sezonit të ftohjes dhe gripit.

Qëndro në shtëpi

Ju mund ta përhapni virusin e gripit te njerëzit e tjerë rreth një ditë para se të shfaqen simptomat e para të sëmundjes dhe pesë deri në shtatë ditë pasi të jeni shëruar. Meqenëse mund të përhapni virusin e gripit për një kohë të gjatë, është e rëndësishme të qëndroni në shtëpi nëse jeni i sëmurë.

Trajtimi

Trajtimi, si rregull, konsiston në shumë pushim dhe uljen e temperaturës, marrjen e terapisë dhe shumë lëngje. Por nëse temperatura juaj nuk ulet dhe nëse nuk ndiheni më mirë edhe tre deri në pesë ditë pasi të keni vërejtur simptomat, sigurohuni që të vizitoni mjekun tuaj.

Ndërlikimet

Gripi shpesh shoqërohet me ndërlikime të ndryshme, të cilat janë më të shpeshta dhe më të rrezikshme te njerëzit e moshuar. Komplikimet më të zakonshme përfshijnë pneumoni, laringit, përkeqësim të bronkitit kronik dhe astmës.

Top Channel