Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Mijëra vetë protestuan në Los Anxhelos të SHBA-së për të mbështetur Armeninë në konfliktin e saj të vazhdueshëm me Azerbajxhanin për rajonin separatist të Nagorno Karabakut.
Marshimi i 11 tetorit në Los Anxhelos mblodhi të paktën 20.000 mbështetës pro-Armenisë.Në një moment ata u mblodhën para Konsullatës Turke në Beverly Hills për të dënuar mbështetjen e Turqisë për Azerbajxhanin.
Kalifornia Jugore është vendi me popullsinë më të madhe armene në Shtetet e Bashkuara dhe një lagje e Hollyëood-it lindor u emërua si Armenia e Vogël në vitin 2000. Kryebashkiaku i Los Anxhelosit, Eric Garcetti, shkroi në rrjetin social, Tëitter, se mbështet protestuesit, duke bashkangjitur një letër, që i është dërguar Sekretarit amerikan të Shtetit, Mike Pompeo, nga një grup i kryetarëve të qyteteve dhe ligjvënësve të Kongresit, të cilët kërkojnë që Shtetet e Bashkuara të ndihmojnë në uljen e tensioneve.
“Si përfaqësues krenarë të komuniteteve armene amerikane në të gjithë vendin tonë, ne ndajmë shqetësimet e tyre të thella rreth dhunës që po i bëhet Artsakhut, numrit në rritje të viktimave civile dhe përfshirjes së aktorëve rajonalë si Turqia dhe Irani”, thuhet në letër. Armenët i referohen Nago-Karabakut si Artsakh.
Protesta erdhi ne kohen kur Armenia dhe Azerbajxhani kanë akuzuar njeri tjetrin për shkelje të një armëpushimi, edhe ashtu të brishtë. Qindra ushtarë dhe një numër i panjohur civilësh janë vrarë nga të dyja palët, që kur luftimet shpërthyen më 27 shtator. Ky është përshkallëzimi më i keq i konfliktit që nga armëpushimi i paqëndrueshëm i vitit 1994.
Top Channel
