Ekspertët bëjnë paralajmërimin e frikshëm: Europa të përgatitet për verën më të nxehtë në histori
28/05 14:03
Një person i dyshuar se kishte qëlluar për vdekje javën e kaluar një mbështetës të një grupimi të ekstremit të djathtë në Portland të Oregonit u vra të enjten gjatë një përpjekje për arrestimin e tij.
Lajmi u konfirmua për agjencinë “Associated Press” nga një zyrtar i Departamentit të Drejtësisë i cili foli në kushte anonimiteti. Sipas tij, Michael Reinoehl, 48 vjeç, u vra ndërsa oficerët federalë po përpiqeshin ta arrestonin atë në qytetin Lacey të shtetit të Uashingtonit.
Michael Reinoehl ishte i dyshuari kryesor për vrasjen e 39 vjeçarit Aaron “Jay” Danielson, i cili u qëllua në gjoks me armë zjarri të shtunën e kaluar në mbrëmje.
Pas lëshimit të një urdhër-arresti agjentët federalë të FBI-së dhe Shërbimi Marshall lokalizuan vendndodhjen e tij të enjten. Në përpjekje për arrestimin e tij Michael Reinoehl u qëllua nga një oficer i forcave të zbatimit të ligjit tha zyrtari i Departametit të Drejtësisë. Ai tha gjithashtu se zoti Reinoehl u kishte drejtuar armën punonjësve të policisë përpara se të qëllohej nga këta të fundit.
Top Channel
