Amnesty International thotë se punonjësit e shëndetësisë po vdesin në shkallë tronditëse nëpër botë prej pandemisë së koronavirusit.
Organizata e njohur ndërkombëtare ka bërë një bilanc një jetëve të humbura në radhët e personelit mjekësor dhe llogarit që në të gjithë globin, të kenë vdekur të paktën 7.000 prej tyre. Për Amnesty, atyre që luftojnë me sëmundjen në vijat e para të frontit, u nevojitet qasja e duhur në pajisjet mbrojtëse.
“Çdo punonjës shëndetësor ka të drejtën të jetë i sigurt në punë dhe është një skandal që kaq shumë po paguajnë këtë çmim “, tha Steve Cockburn, shef për drejtësisë ekonomike dhe sociale në grupin e të drejtave me bazë në Londër.
“Shumë muaj në pandemi, punonjësit shëndetësorë ende po vdesin me ritme të tmerrshme në vende të tilla si Meksika, Brazili dhe SHBA-ja, ndërsa përhapja e shpejtë e infeksioneve në Afrikën e Jugut dhe Indi tregon nevojën që të gjitha shtetet të ndërmarrin veprime”, shtoi ai.
Të paktën 1.320 punonjës shëndetësorë kanë ndërruar jetë nga koronavirusi në Meksikë, më shumë se në çdo vend tjetër në botë.
Top Channel
