Futbollisti i kombëtares bëhet baba për herë të tretë 19/01 00:06
Vera e këtij viti mund të përkufizohet si vera e prindërve VIP, të cilët nuk kanë ngurruar në asnjë moment të shfaqin hapur dashurinë ndaj fëmijëve të tyre.
Sara Hoxha dhe Ledri Vula janë një nga çiftet e showbizit shqiptar që kanë tërhequr më shumë vëmendje në Instagram.
Dyshja e famshme, që pritet të bëhen prindër të një vajze së shpejti, kanë publikuar herë pas here foto nga pushimet e tyre në jug, duke treguar edhe barkun e rrumbullakosur të Sarës.
Elgit Doda dhe Klea Huta janë gjithashtu një nga çiftet që e kanë shfrytëzuar këtë verë për të kaluar më shumë kohë me të voglin e tyre Krid, i cili erdhi ne jetë në muajin qershor.
Megjithatë, këngëtari 31 vjeçar është siguruar që mos t’ja tregojë fytyrën vogëlushit në një foto nga plazhi të publikuar një javë më parë në rrjetin social.
As Alban Skënderaj e Miriam Cani nuk i kanë kursyer dedikimet e ëmbla për të vegjlit e tyre Duam dhe Ameli, me të cilët duket se po i shijojnë në maksimum pushimet verore.
“Esenca e jetës,” shkruan në një nga postimet e tij në Instagram fituesi dy herë i “Top Fest”, ku shfaqet duke u larë në pishinë pranë dy fëmijëve dhe Miriam.
Adelina Ismaili e blogerja e njohur Estela Ujka kanë ndarë gjithashtu momente nga vera e tyre në të cilën i janë përkushtuar tërësisht familjes.
Këngëtarja kosovare shfaqet në një foto me të voglin e saj Uliks në prehër teksa shijon rrezet e diellit me bikini buzë detit. Estela ndërkohë ka publikuar një foto me dy vajzat e saj në një varkë në Shpellën e Haxhi Alisë.
Bieta Sulo dhe Bora Zemani janë dy nga moderatoret më të dashura të publikut shqiptar, të cilat e kanë shfrytëzuar gjithashtu në maksimum verën për të kaluar kohë me djemtë e tyre.
Prezantuesja e “Ftesë në 5” ka ndarë vazhdimisht foto të ëmbla me Kroin nga Kakomeja dhe Dhërmiu, ku nuk kanë munguar as ato ku shfaqet e shoqëruar nga partneri Alban Dudushi dhe vajza e tij Xhoeli.
Bora Zemani, e cila do t’i bashkohet këtë sezon Top Channel në programin “Përputhen”, nuk është ndarë në asnjë moment nga i vogli i saj Arbor, me të cilin ka publikuar momente argëtuese nga pishina dhe parku i lojërave.
Top Channel
