Problemet shëndetësore që tregojnë sytë, çfarë duhet të keni kujdes 07/05 07:50
Janë dashur 114 vite, që kopshti zoologjik i Bronksit, në Nju Jork, të shprehë keqardhjen për dëmet që i ka shkaktuar një njeriu me ngjyrë të quajtur Ota Benga.
Ishte viti 1909 kur Ota, u rrëmbye nga Republika Demokratike e Kongos dhe u dërgua në SHBA. Më shumë se një shekull, ai tërhoqi titujt ndërkombëtare, pasi jetonte në një kafaz me majmunët në kopshtin zoologjik Bronksit, e cila së fundmi ka kërkuar dhe ndjesë për keqtrajtimin e bërë. Cristian Samper, presidenti dhe Drejtori Ekzekutiv i Shoqërisë së Kujdesit të Jetës së egër, tha se ishte e rëndësishme “të reflektohet”.
Por kush ishte Ota Benga?
Ota Benga, u rrëmbye në mars të 1904-ës nga tregtari amerikan Samuel Verner. Mosha e tij nuk dihet, por asokohe ai mund të ketë qenë 12 ose 13 vjeç. Benga u mor me anije në New Orleans për t’u tregtuar më vonë atë vit në Panairin Botëror në ST Louis me tetë meshkuj të tjerë të rinj. Panairi vazhdoi në muajt e dimrit ku grupi u mbajt pa veshje të përshtatshme ose strehim. Në shtator 1906 ai qëndroi për 20 ditë në kopshtin zoologjik Bronx në Nju Jork, duke tërhequr turma të mëdha njerëzish. Në janar të 1910 u zhvendos për të jetuar në Seminarin dhe Kolegjin Teologjik të Lynchbug-ut për student me ngjyrë në Virxhina. Raportohet se ai ra në depresion nga dëshira për t’u rikthyer në shtëpi dhe në mars të vitit 1916 qëlloi veten me armë. Mendohet se në momentin që vdiq ai ishte rreth 25 vjeç.
Top Channel
