Izraeli nën alert! Ndizen sirenat në pjesën jugore, raketat duken mbi qiell (Fotot) 06/05 22:50
Një gjykatë rajonale në kryeqytetin somalez Mogadishu sot ka dënuar 4 zyrtarë të lartë të Ministrisë së Shëndetësisë me 18 vjet burg për korrupsion dhe vjedhjen e parave publike.
Zyrtarët e dënuar ishin në paraburgim mbi 3 muaj.
Drejtori i përgjithshëm i Ministrisë së Shëndetësisë, Abdullahi Hashi Ali është dënuar me 9 vjet burg me një gjobë prej 2.366 dollarë.
Drejtorit të administratës dhe departamentit të financave, Mohamud Bule Mohamud iu shqiptua burg prej 18 vitesh ndërsa shefi i kontabilitetit Mahdi Abshir dhe kreu i Malaria dhe HIV/AIDS, Bashir Abdi u dënuan me 12 dhe 3 vjet burg.
“Kemi dëgjuar për këtë çështje të paktën 14 herë dhe këta zyrtarë u shpallën fajtorë për korrupsion dhe vjedhje të parave publike”, tha gjykata.
Ndërkohë, 5 zyrtarë të ministrisë u lanë të lirë pasi u gjetën të pafajshëm.
Forcat somaleze të sigurimit arrestuan zyrtarët në prill nën akuzën e përvetësimit të fondeve zyrtare të dhuruara për të frenuar shpërthimin e koronavirusit (COVID-19).
Top Channel
