“Porosia e Nokës që deputetët të veshin rroba doku”, Murrizi i denoncon me emra: Albana Vokshi ka puse nafte, Noka e Çela biznese, Bozdo ka babain milioner, Boçi ka krushkun…. 25/10 22:45
Presidenti Ilir Meta ka shprehur ngushëllime për ndarjen nga jeta të kryebashkiakut të parë të Përmetit, Dhimitër Nasit nëpërmjet një postimi në rrjetet sociale.
Në mesazhin e tij Meta thekson se nga sot, Shqipëria do të ketë një intelektual të përkushtuar më pak. Sakaq presidenti e ka mbyllur postimin duke iu shprehur ngushëllime familjes së tij.
Mesazhi i plotë i Metës:
Dita sot nisi e trishtuar me lajmin e ndarjes nga jeta të Dhimitër Nasit, kryetarit të parë të Bashkisë së Përmetit pas triumfit të demokracisë në Shqipëri!
Ndihem i keqardhur për ndarjen, por dhe i nderuar që e pata nga miqtë më të mirë!
Familja Nasi humbi njeriun e shtrenjtë, Përmeti përcjell kryetarin e devotshëm, shoqëria u nda nga një qytetar me cilësi të rralla dhe Shqipëria ka nga sot një intelektual të përkushtuar më pak në kohën kur ka më shumë nevojë për shembuj si i Dhimitrit!
Ngushëllimet më të ndjera familjes, përmetarëve dhe miqve të tij kudo!
Top Channel
