Kryetarët e komunave të Kosovës takohen sot me kryeministrin Hoti

24/08/2020 08:40

Kryetarët e komunave të Kosovës do të zhvillojnë sot një takim me kryeministrin Avdullah Hoti dhe tre ministra, për të diskutuar lidhure me shpërndarjen e 10 milionë eurove në komuna, fillimin e procesit mësimor dhe situatën epidemiologjike me koronavirus.

Drejtori i Asociacionit të Komunave të Kosovës, Sazan Ibrahimi, ka konfirmuar për KosovaPress se në këtë takim do të diskutohen disa tema kryesore, si fillimi i procesit mësimor, kriteret dhe shpërndarja e 10 milionë eurove në komunat e Kosovës si përkrahje në luftën ndaj parandalimit të përhapjes së COVID-19.

Ai ka thënë se komunat janë të gatshme sa i përket fillimit të procesit mësimor të këtij viti, ndarjen në grupe të caktuara apo në çfarë skenari do të përdorën, do të jetë vendim individual i secilës komunë në bazë të rrethanave në terren.

Top Channel