Amazona braziliane shkatërrohet nga vala e zjarreve, Bolsonaro thotë “pyjet tropikale nuk digjen”

20/08/2020 20:16

Pjesa braziliane e pyjeve të Amazonës po shkatërrohen nga një valë e re zjarresh një vit pasi një katastrofë e ngjashme solli zemërim botëror për keqmenaxhimin e situatës nga qeveria e Jair Bolsonaro.

Vetëm muajin e kaluar u regjistruan të paktën 20,473 zjarre nga agjencia hapësinore braziliane INPE.

Grupi ambjentalist Greenpeace dënoi presidentin Bolsonaro për sulmet e tij ndaj rregullacioneve dhe për anësi me interesat industriale që mbrojnë lirimin e hapësirave nga pyjet në Amazonë.

“Adminsitrata e Bolsonaro vazhdon sistematikisht të prishë procesin e mbrojtjes mjedisore dhe punën e agjencive,” tha Cristiane Mazzetti, aktiviste e Greenpeace Brazil.

“Teksa Bolsonaro hiqet se mbështet ndalimin e zjarreve duke dërguar trupat ushtarake në Amazonë ai po bëhet pengesa kryesore për eliminimin e tyre”, shtoi ajo.

Kritikët e presidentit të djathtë e dënojnë e dënojnë atë për inkurajim të shpyllëzimit ilegal dhe shpërfillje të popujve indigjenë që kanë tokat e të parëve të tyre në Amazonë.

FOTO GALERI
2/7

Top Channel