Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Një valë e gjerë zemërimi ka përfshirë Brazilin pas publikimit në internet të identitetit të një fëmije 10-vjecare, viktimë e përdhunimit.
Emri i vajzës u publikua nga një aktivist anti-abort që kërkonte që ajo të mos ndërpriste shtatzaninë.
Pas postimit online, kundërshtarë të abortit u mblodhën jashtë spitalit ku vajza do të kryente procedurën.
Fëmija mbeti shtatzënë pasi ishte përdhunuar. Policia ka arrestuar një burrë të dyshuar si agresori i saj.
Çështja shkaktoi zemërim në vend dhe një gjykatë ka urdhëruar rrjetet Google, Facebook e Twitter të fshijnë detajet personale të 10-vjeçares nga faqet e tyre.
Gjykatësi Samuel Miranda Gonccalves Soares vendosi që kompanitë e internetit të heqin informacionet mbi të brenda 24 orëve ose të përballen me një gjobë prej 50,000 real në ditë ($9,000).
Brazili ka ligje strikte kundër abortit, por ato lejohen në rastet e përdhunimit, kur jeta e nënës është në rrezik ose kur fetusi ka defekte lindjeje si anencefali – gjendja e rrallë që parandalon zhvillimin e trurit dhe kafkës.
Megjithse vajza ka leje për abortin, aktivistët anti-abort kërkonin ta ndalonin duke mbajtur protesta të zhurmshme jashtë spitalit.
Top Channel
