Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Zjarrfikësit në Kaliforni po përballen me një zjarr masiv që ka detyruar mijëra banorë të largohen nga shtëpitë e tyre në lindje të Los Angeles.
Më shumë se 1300 zjarrfikës, të mbështetur nga helikopterë dhe avionë, kanë luftuar me flakët që nisën të premten. Pjesë të zjarrit janë në kodrina dhe kjo e bën më të vështirë për makinat e zjarrfikësve ta arrijnë atë. Rreth 7800 banorëve u është kërkuar të evakuohen nga zona.
Imazhet e flakëve dhe tymit që mbulon qiellin shihet mbi rajonin malor. Në një postim në twitter, shërbimi kombëtar i motit tha se tymi kishte mbërritur deri në lindje të Phoenixit në Arizona, rreth 482 km larg.
Zjarri nisi në luginën Cherry, në një zonë afër qytetit Beaumont. Që atëherë është përhapur në një sipërfaqe prej 8302 hektarësh.
Terreni i vështirë e ka bërë misionin të rrezikshëm për zjarrfikësit. Zjarret, veç të tjerash, po ndihmohen nga temperaturat e larta, lagështia e ulët dhe bimësia e thatë në zonë.
Top Channel
