Britani/ Shpallet i humbur 17-vjeçari shqiptar, autoritetet vihen në lëvizje
02/08/2020 14:23
Gati për sezonin veror, B.M. Group vjen me risi e garanci për bashkëpunëtorët
23/04 11:45
Kanë kaluar më shumë se 24 orë, ku Olti Gega 17-vjeç, ka humbur çdo gjurmë me familjarët.
17-vjeçari prej vitesh jeton në Britaninë e Madhe dhe për herë të fundit është parë në zonën Camagael në Fort William, rreth orës 12:00.
Olti është një djalë me trup mesatar, ka një nishan në faqen e tij të djathtë, ndërsa flokët i ka të zinj të shkurtër dhe i mban gjithmonë të kthyera anash, bën me dije policia.
Ditën që humbi, i riu mbante veshur kapuç gri, xhinse, bluzë dhe orë në ngjyrë të zezë. Policia ka nisur menjëherë kërkimet për gjetjen e tij dhe me anë të një njoftimi është shprehur e tronditur për rastin.
“Ne jemi tej mase të shqetësuar për Oltin. I lutemi kujtdo që ka ndonjë informacion në lidhje me djalin, të na njoftoj sa më shpejt që të jetë e mundur”, u shpreh rreshteri Michael Bell.
Top Channel
