Mijëra demonstrues shkelin distancimin social në Gjermani duke protestuar kundër masave të koronavirusit

01/08/2020 20:02

Mijëra njerëz kanë protestuar sot në Berlin kundër kufizimeve të koronavirusit duke insistuar se ‘fundi i pandemisë ka ardhur’.

Brohorimat vijnë në një kohë kur autoritetet kanë shtuar shqetësimet për rritje të numrit të infektimeve.

Pa maska të dukshme, turma e ngjeshur marshonte në bulevardin qendror të Berlin para Portës së Brandenburg teksa i drejtoheshin parkut Tiergarten.

Protestuesit që vinin nga i gjithë vendi kishin krijuar pankartat e tyre me slogane si ‘Korona, alarm fals,’ ‘Po detyrohemi të mbajmë noçka,’ ‘Mbrojtje natyrale në vend të vaksinimit’ si dhe ‘Vala e dytë jemi ne.’

Ata gjithashtu brohorisnin, ‘Jemi këtu dhe jemi të zhurmshëm, sepse po na grabitet liria!’

Policia përdori megafonë për të nxitur pjesmarrësit të zbatonin masat e distancimit fizik, por pa ndonjë sukses të dukshëm.

Autoritetet thane se 17,000 njerëz merrnin pjesë në marshim, ndërsa tha se ishte kujdesur për të mbajtur larg demonstruesit nga disa kundra-demonstrues që brohorisnin “Jashtë nazistët!’

Qeveria gjermane ka reduktuar masat e pandemisë që prej fundit të prillit por kërkon ruajtjen e distancimit social dhe veshjen e maskave në vende publike.

FOTO GALERI
2/14

Top Channel