Tragjike/ Infermierja vdes nga Covid-19, 24 orë pasi e deklaruan të shëruar

31/07/2020 21:25

Një infermiere 43-vjeçare nga Argjentina, ka vdekur nga koronavirusi, pavarësisht faktit se 24 orë më parë mjekët e deklaruan atë të shëruar.

Marina Mariangeli ndërroi jetë pasi mori dritën jeshile për të dalë nga spitali, ku kishte qëndruar për 20 ditë. Ajo u shtrua pasi shfaqi simptoma të koronavirusit, si ethe dhe vështirësi në frymëmarrje.

Mediat spanjolle shkruajnë se javën e parë, ajo kishte qëndruar në intubim, ndërsa më pas gjendja e saj nisi të përmirësohej. Në testin e kryer nga mjekët 43-vjeçarja rezultoi negative.

Por pasi u zhvendos në shtëpi, problemet shëndetësore iu rishfaqën sërish dhe gjeti vdekjen gjatë rrugës për në spital.

Top Channel