Kurban Bajrami është festa më e rëndësishme në kalendarin islam. Pensionisti Vendim Dauti,nga Tirana ka vendosur që të shpërndajë mishi qengji për njerëzit në nevojë.

Ai thotë se këtë festë të bekuar duhet ta festojnë të gjithë.

“Kam një jetë në kuzhinë, erdhi festa e Kurban Bajramit, jo të gjithë kanë mundësi ta festojnë, unë do të ndihmoj aq sa kam fuqi. Deri më tani kam shpërnda dy qengja”.

“Mora vesh që jepej mish dhe ndalova të marr një racion, dua dhe unë ta festoj bajramin pasi jam myslimane. Sot dal gjithë ditën për të lypur do marr mishin dhe do e gatuaj me pak oriz”.

Imami, Ahmed Kalaja na tregon se çfarë simbolizon kurbani në këtë ditë të shënuar.

“Kurban Bajrami është një ditë shumë e rëndësishme për besimtarët myslimane. Profeti Ibrahim është vendosur në sprovë nga Zoti, për të bërë kurban të birin. Por që ë momentin e fundit Allahu i dha një qengj për ta bërë kurban. Është një festë ku të gjithë në solidarizohemi dhe bëhemi bashkë. “

Rregulli e do që mishi kurban bajramit të ndahet në tre pjesë.

“Kjo është një ditë ku të gjithë bëhemi bashkë dhe ndihmojmë njëri tjetrin për të festuar edhe ata që nuk ka nevojë, të paktën në jë ditë të mos ketë varfëri. Kurbani ndahet në tre pjesë, familja, njerëzit në nevojë dhe farefisi. “
Falja e Kurban Bajramit do të bëhet në ambientet e brendshme të xhamisë, besimtarëve ku kërkohet të respektojnë distancën dhe të marrin maska me vete.

Top Channel