Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
I ftuar në emisionin Top Talk në Top Channel ditën e sotme ka qenë Ministri i Bujqësisë dhe Zhvillimit Rural, Bledi Çuçi.
Duke folur rreth ndryshimeve kushtetuese që Kuvendi pritet t’i miratojë nesër, Bledi Çuçi është shprehur se tashmë nuk ka asnjë sekret nga ana e mazhorancës dhe se ata janë të bindur se do të shkojnë drejt miratimit të këtyre ndryshimeve.
“Është e qartë tashmë nuk ka asnjë sekret. Ne jemi të bindur që duhet të shkojmë drejt ndryshimeve kushtetuese, për të hapur garën në kuptimin e bërjes së mundur të zgjedhësve shqiptarë që përveç preferencës për partinë që kanë, në votime të zgjedhin edhe kandidatët brenda partisë për atë që mendojnë ata se do jetë më mirë dhe vota do shkojë në vendin e duhur. Tashmë ne kemi deklaruar qartë që ndryshimi do fillojë me ndryshimet kushtetuese që pritet të miratohen nesër. Me diskutimet më pas me teknikalitete se si do të administrohet sistemi me listat e hapura.” tha çuçi.
“Ndryshimet kushtetuese do të lënë hapsirën që kjo të vendoset me ndryshimet në kodin zgjedhorë. Ndryshimet kushtetuese do përcaktojë që të bëhet listë e hapur dhe jo më pak sesa 2/3. Kjo i lë mundësi që të vendoset bashkarisht duke parë modele dhe duke garantuar ligjet e vendosura për përkatësinë gjinore. Do shohim si do jetë hapja. Kjo është një gjë që do vendoset në ndryshimet në Kodin zgjedhor.” tha më pas Bledi Çuçi.
Top Channel
