Analiza/ Mesazhet e Ramës në Londër, kontributi i komunitetit prej 200.000 shqiptarësh në shtetin ishull
24/11 10:51
Në emisionin e sotëm në Top Talk, ishte i ftuar ish-deputeti Nard Ndoka, i cili ka folur rreth zhvillimeve të fundit politike në vendin tonë.
Ndoka duke folur për krimet zgjedhore, ka thënë se i pari i kësaj liste është kryeministri Edi Ram dhe më pas sipas tij përgjegjësit e tjerë janë ministrat e kabinetit të tij dhe drejtues të lartë të policisë.
“Për ne ka rëndësi fillimi i ndëshkimit. Përgjegjësi i madh është kryeministri Rama që është kapur në krim zgjedhor me prova dhe fakte të bëra publike. Botërisht, është edhe një kërkesë e BE për të hetuar këtë dosje.”
“Përgjegjësi kryesor është Edi Rama dhe ministrat e kabinetit, kryetarët e Bashkive dhe drejtues të policisë.” tha Ndoka.
Ndërkohë i pyetur se pse ambasadorja Amerikane Yuri Kim do të zhvillonte takime me një kriminel zgjedhor siç ai e cilësoi kryeministrin Rama, Ndoka është shprehur se ende nuk është futur në ‘listën e zezë’.
“Pa diskutim që e ka informacionin, e ka dëgjuar. Ambasadorja Amerikane nuk i voton politikanët shqiptarë. Këto i propozon… Ato i kanë shpall në publik ato i kanë disa emra në PS që i kanë shpallur. Mund të pres radhën edhe Rama dhe mund ta ketë një fat edhe nesër. Dhe mund të negociojnë me të derisa nuk është futur në listën e zezë në mënyrë zyrtare. Pavarësisht se ka informacione të tilla.” tha Ndoka më tej.
Top Channel
